فلتسمحو لي بعبورها الى قلوبكم

*****
هلا بك عد ماشد المرايا / نور
هلابك عد ماشال الهوا / ذره

مدام انا تلاقينا /نفل صدور
نرتب كل اوضاع الغلا / مره

أبي تزرع مساحاتي حكي وزهور
أبي نصنع على جبين السهر/ غره

أبي تملا مداراتي سهر وطيور
تغرد في سماوات العشق/ كره

أبيك شعور ينثر لي من الممطور
سحايب غيم تاخذنا على غره

أبي تعلنها للعالم عن المستور
,أمل, و تعيش في دنيا كذا /حـره

ابد ماعاد يرعبني شطر مكسور
مدام الشعر باحساسي يجي صره

تعاهدنا وطن واحد على الدستور
شعب يحتال في خيره على شره

أبي لو ازعل تشب القصيد بحور
تراضيني / وتكسر للزعل جره

أبي تقلب لي الدنيا /تجي مسرور
تجي تختال (من جاه الغلا سره)

أبي اشعر معاك ان المكان يدور
يدور/ يدور/ ولانسمع لاحد بره

أبيك جناح ياخذني مثل عصفور
رمى همه على الاغصان ماجره

أبـ شعرأن احساسك علي مقصور
ولو داهمك الهام الوله / عــره………!!!